Бүгінгі мереке аясында Бесқарағай ауданының әкімі Мұратов Талғат Батырұлының бастамасымен ерекше қажеттіліктері бар бүлдіршіндерге, ну орманның бөктерінде орналасқан «Елім-ай» демалыс орнында бір күндік демалыс ұйымдастырылды. 

Аталған іс-шара барысында Бесқарағай ауданы әкімінің орынбасары Нұржан Оразбекұлы Агибаев бүлдіршіндерді мерекемен құттықтап, арнайы әзірленген сыйлықтар табыстады. 

Сондай-ақ, балаларға арнайы театрландырылған қойылымдар мен әсем әуендер ұсынылды. Шара аяғында бүлдіршіндерге тәтті дастархан ұйымдастырылды.

Айта кететйік, бүгін Бесқарағай ауданының барлық ауылдарында іс-шаралар өткізілуде. Сонымен қатар аудан орталығында сағат 15:00-де дәстүрлі түрде ұйымдастырылатын «Ақ қайын – 2023» байқауы өткізіледі.