Жарма ауданының Әуезов кентінде Металлургтер күніне орай ат спорты түрлерінен жарыс өткізілді.

Аталған шараға ауданның округтерінен ат спортымен айналысатын шабандоздар, сайыскерлер мен  бапкерлер шақырылды. 

Қатысушылар ұлттық құндылықтарымызды ұлықтайтын ат спорты түрлерінен, соның ішінде  бәйге мен көкпар ойындары бойынша күш сынасты. Бәйгеде ауданның ауылдық округтерінен келген жүзден астам аузымен құс тістеген кілең жүйріктер өзара мықтыларды анықтады.

Жарыс қорытындысы бойынша барлық жеңімпаздар Алғыс хаттармен және бағалы сыйлықтармен марапатталды.

Мерекеге арналып ұйымдастырылған спорт шарасы жоғары дәрежеде өтті.