Қала тұрғындарымен кездесуден кейін Нұрлан Ұранхаев азаматтарды жеке мәселелерімен қабылдады. Қабылдау барысында тұрғындар инфрақұрылым, әлеуметтік қорғау, халықты жұмыспен қамтуды үйлестіру мәселесін көтерді. Атап айтқанда, көбінесе тұрғын үй мәселесін шешуге қатысты сұрақтар болды.

Өз кезегінде облыс әкімі тұрғындардың түйткілді мәселелерін тыңдап, әрбір өтінішке қолданыстағы заңнама нормалары түсіндіріліп, мамандарға тиісті тапсырмалар берілді. Проблемалық мәселелерді шешу процесі облыс басшысының жеке бақылауына алынды.

Жеке қабылдауға келген басқарма басшылары да азаматтардың сауалдарына жан-жақты жауап берді.

Айта кетсек, жеке қабылдауға 50-ден астам адам жазылды.

Абай облысы әкімінің баспасөз қызметі