Абай облысының оқушылары республикалық «Таза Қазақстан» акциясына белсене қатысты, - деп хабарлайды 018.kz тілшісі Мадина Айдарова Абай облысы әкімдігінің баспасөз қызметіне сілтеме жасап.

11 сынып оқушылары қоршаған ортаны аялау мақсатында ағаш отырғызып, өз үлестерін қосты. 

Шараға 1000-ға жуық мектеп бітіруші түлектер, мұғалімдер, студенттер мен ата-аналар да қатысты. Акция аясында 150-ге жуық көшет отырғызылды.

Облыс көлемінде білім беру ұйымдарының оқушылары көшеттер отырғызып, гүлдер екті.

Акция оқушыларға экологиялық мәдениетті, табиғатқа ұқыпты қарауды, еңбекқорлықты, қоршаған ортаны көгалдандыруды үйретеді.