Қазіргі таңда қала әкімі әр күн сайын жөндеу жұмыстары жүргізіліп жатқан жөндеу жұмыстарын қадағалайды. Бүгін ол Абай облысы тұрғын үй шаруашылық басқармасының басшысы Серік Туленбергеновпен жылу қазандықтарын аралады.
 
Нұрбол Нұрсағатов арнайы «Центр» және «Ғаббасов» қазандықтарын аралап, жылу желін жөндеу жұмыстарының барысымен танысты. Сондай-ақ,  ЦТП-9, «Центр», ЦТП-518, ЦТП-457, ЦТП-401 учаскелерін, Би-Боранбай көшесінен Физкультурная көшесіне дейінгі жылу магистралын, ЖЭО-1-ден П-1-ге дейінгі жылу желісіндегі жұмыстарды жіті тексерді.

Естеріңізге сала кетейік, өткен жылы жылу құбырларында апаттық жағдайлар орын алған болатын. Жоспар бойынша ағымдағы жөндеу жұмыстары нәтижесінде жылу желілеріндегі апаттар 15 пайызға азаяды.