15 ақпан - Кеңес әскерлерінің Ауғанстан жерінен шығарылғанына 35 жыл толуына орай салтанатты жиын өтті. Жиынға аудан әкімі Мейіржан Смағұлов және ауған ардагерлері қатысты.

Іс-шараның маңызды бөлігі Ауғанстанның Ардагерлер саябағында гүл шоқтарын қою рәсімі болды. Аудан әкімі Мейіржан Серікбосынұлы Ауғанстан аумағынан Кеңес үкіметі әскерінің шығуына 35 жыл толуына орай боздақтарымызды еске алып, ардагерлерімізді құттықтады. Ауған ардагерлері Қ.Ертуғановқа, А.Жүнісбековке, Н.Құлшыбековке, М.Қасымжанға, А.Жұманбаевқа, Н.Құрмашевқа, М.Шахмановқа, А.Әлімжановқа, М.Қаратевқа «35 жылдық» мерекелік медалі табыс етілді.

Кеш «Қаламқас» халық ән-би ансамблі өнерпаздарының мерекелік концертімен жалғасты.

Абай облысы әкімінің баспасөз қызметі